ადვოკატის ინფორმაციით, ირაკლი ნოზაძის დაჭრაში ბრალდებულს ბრალს სავარაუდოდ ხვალ წაუყენებენ

საკითხავია, ვინ ვის დაურეკა შესახვედრად, - ამის შესახებ „ინტერპრესნიუსს“ მომღერალ ირაკლი ნოზაძის დაჭრაში ბრალდებული თამთა ჯანჯღავას ადვოკატმა არჩილ შავაშვილმა განუცხადა.

ადვოკატი არ გამორიცხავს, რომ მომხდარ ფაქტთან დაკავშირებით სათვალთვალო კამერის ვიდეოჩანაწერებიც არსებობდეს. შავაშვილის მტკიცებით, მისი დაცვის ქვეშ მყოფი ნოზაძესთან განზრახ მკვლელობის მცდელობისთვის არ მისულა.

“ჩემი დაცვის ქვეშ მყოფი იმ მუხლს, რომელზეც საუბარია, არ აღიარებს. საკითხავია შესახვედრად ვინ ვის დაუკავშირდა. შესაძლოა, არსებობდეს ვიდეოჩანაწერებიც”, - აღნიშნა არჩილ შავაშვილმა.

რაც შეეხება ბრალის ოფიციალურ წარდგენას, ადვოკატი ვარაუდობს, რომ ეს ხვალ, დღის პირველ ნახევარში მოხდება, რის შემდეგაც ბრალდებულის უფლებადამცველებს საქმეში არსებული მტკიცებულებები გადაეცემათ და სავარაუდოდ, აღნიშნულის შემდგომ უკვე გაკეთდება კომენტარი, სადაც საუბარი დანაშაულის ჩადენის მოტივზე იქნება.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა