სარფის საზღვარზე გადაადგილება ორმხრივად აღდგენილია
სარფი-ტრაპზონის მაგისტრალზე სატრანსპორტო საშუალებების და ქვეითთა მოძრაობის დროებითი შეზღუდვა მოხსნილია.
როგორც „ინტერპრესნიუსს“ შსს-დან აცნობეს, საზღვარზე გადაადგილება ორმხრივად აღდგენილია.
დღეს, „სარფის“ სასაზღვრო გამშვებ პუნქტთან ახლოს თურქეთის საბაჟოს მიმდებარე ტერიტორიაზე მეწყერის შედეგად მთის ნაწილი ჩამოიშალა, რის გამოც სარფი-ტრაპზონის მაგისტრალზე მოძრაობა რამდენიმე საათით აიკრძალა.
