ქუთაისის დავით აღმაშენებლის სახელობის საერთაშორისო აეროპორტში ქუთაისი-ბარსელონას ავიარეისის დაგვიანება დაპირისპირების მიზეზი გახდა. ავიაკომპანია „ვიზეარის“ მიერ დაგეგმილი რეისი, რომელიც დღეს, 16:00 საათზე უნდა განხორციელებულიყო, ამ დრომდე არ შესრულებულა.
მგზავრების თქმით, რამდენიმე საათის განმავლობაში თვითმფრინავში მოუხდათ ყოფნა, გაითიშა კონდიცირების სისტემა, რამდენიმე ადამიანს სასწრაფოს დახმარებაც დასჭირდა. მათივე თქმით, რეისის გადადების მიზეზი ავიალაინერის ტექნიკური გაუმართაობაა.
ისინი გზის გადაკეტვას გეგმავდნენ, რისი საშუალებაც საპატრულო პოლიციამ არ მისცა. მგზავრების განმარატებით, ავიაკომპანიის წარმომადგენლები მათთან არ გამოჩენილან და მხოლოდ სასტუმროში გადაყვანა და სხვადასხვა რეისებზე გადანაწილება შესთავაზეს.