სენატორი კორი გარდნერი - აშშ-ის სენატში საქართველოს სუვერენიტეტსა და ტერიტორიულ მთლიანობას ორპარტიული მხარდაჭერა აქვს

საქართველოს პარლამენტის თავმჯდომარე ირაკლი კობახიძე, რომელიც ამერიკის შეერთებულ შტატებში ვიზიტით იმყოფება, სენატორ კორი გარდნერს შეხვდა.

როგორც „ინტერპრესნიუსს“ საქართველოს პარლამენტიდან აცნობეს, შეხვედრაზე საუბრის მთავარი თემა ამერიკის შეერთებული შტატების კონგრესში წარდგენილი საქართველოს მხარდამჭერი ორპარტიული კანონპროექტი და კონგრესმენების მიერ ინიცირებული ორპარტიული წერილი იყო, რომლითაც კონგრესის წევრები აშშ-ს სავაჭრო წარმომადგენელს საქართველოსთან თავისუფალი ვაჭრობის შესახებ შეთანხმების გაფორმებისკენ მოუწოდებენ. მხარეებმა ორმხრივი ურთიერთობის გაღრმავების საქმეში სავაჭრო-ეკონომიკური თანამშრომლობის გაფართოების მნიშვნელობა აღნიშნეს.

სენატორის განცხადებით, ამერიკის შეერთებული შტატების სენატში საქართველოს სუვერენიტეტსა და ტერიტორიულ მთლიანობას, ისევე, როგორც ჩვენი ქვეყნის ევროპულ და ევროატლანტიკურ მისწრაფებებს მტკიცე ორპარტიული მხარდაჭერა აქვს. მისივე თქმით, საქართველო, რომელმაც ბოლო წლებში შთამბეჭდავ პროგრესს მიაღწია, აშშ-ის მნიშვნელოვანი სტრატეგიული პარტნიორი და სანდო მოკავშირეა, რასაც, როგორც სენატორმა აღნიშნა, მისი ქვეყანა განსაკუთრებულად აფასებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს