მიხეილ ჩხენკელი და მარიამ ჯაში CERN-ში შეხვედრებს მართავენ

განათლებისა და მეცნიერების მინისტრი მიხეილ ჩხენკელი და საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში ბირთვული კვლევების ევროპულ ცენტრში (CERN) „ატლასისა“ და CMS-ის ექსპერიმენტების ხელმძღვანელობას შეხვდნენ.

როგორც „ინტერპრესნიუსს“ განათლების სამინისტროს პრესსამსახურიდან აცნობეს, მსოფლიო მასშტაბის ცენტრთან თანამშრომლობის კიდევ უფრო გაღრმავების მიზნით მხარეებმა მემორანდუმის გაფორმების შესაძლებლობაზე იმსჯელეს, რაც ქართველ მეცნიერებს კვლევით პროექტებში სრულფასოვნად ჩართვის შესაძლებლობას მისცემს. ამასთან, შეთანხმდნენ, რომ მომავალში „ატლასისა“ და CMS-ის ექსპერიმენტებში უფრო მეტი ქართველი მაგისტრანტი და დოქტორანტი ჩაერთვება.

შეხვედრაზე მიხეილ ჩხენკელმა საქართველოში სამეცნიერო ინფრასტრუქტურის კუთხით არსებულ გამოწვევებზე ისაუბრა. განმარტა, რომ ამ მიმართულებით მუშაობა კიდევ უფრო გაძლიერდება და როგორც თბილისის სახელმწიფო უნივერსიტეტს, ასევე, საქართველოს ტექნიკურ უნივერსიტეტსა და სხვა უმაღლეს სასწავლებლებს (მათ შორის კვლევით ცენტრებს) შესაძლებლობა მიეცემათ, სრულყოფილად ჩაერთონ CERN-ის ექსპერიმენტებში.

შეხვედრის ბოლოს, რომელსაც ჟენევაში გაეროს განყოფილებებსა და სხვა საერთაშორისო ორგანიზაციებში საქართველოს მუდმივი წარმომადგენელი ვიქტორ დოლიძეც ესწრებოდა, მიხეილ ჩხენკელმა და მარიამ ჯაშმა „ატლასისა“ და CMS-ის ხელმძღვანელებს ქართველი მეცნიერების მხარდაჭერისთვის მადლობა გადაუხადეს და იმედი გამოთქვეს, რომ CERN-ში საქართველოს ასოცირებული წევრობის სამომავლო პერსპექტივაზე საუბარი პოზიტიურ შედეგს გამოიღებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს