აშშ-ს ხელისუფლება იმედოვნებს, რომ ჩრდილოეთ კორეა უახლოეს პერიოდში დაიწყებს აღებული ვალდებულებების შესრულებას

აშშ-ს ხელისუფლება იმედოვნებს, რომ ჩრდილოეთ კორეა უახლოეს პერიოდში დაიწყებს კორეის ნახევარკუნძულის დენუკლეარიზაციასთან დაკავშირებით აღებული ვალდებულებების შესრულებას. ამის შესახებ აშშ-ს სახელმწიფო მდივანმა მაიკლ პომპეომ განაცხადა.

„ვფიქრობ, ჩრდილოეთ კორეაში ესმით, რომ ჩვენ სერიოზულად ვართ განწობილი იმის უზრუნველყოფაზე, რაც მოლაპარაკებებისას იყო გამოთქმული და რისი შესრულების პირობაც დავდეთ“, - განაცხადა მაიკლ პომპეომ.

აშშ-ს სახელმწიფო მდივანმა ასევე აღნიშნა, რომ აშშ თავის თავზე აღებულ ვალდებულებებს ასრულებს.

„პრეზიდენტმა დონალდ ტრამპმა ვალდებულება აიღო შეეჩერებინა სამხრეთ კორეასთან ერთობლივი სამხედრო წვრთნები. ჩვენ პაუზის რეჟიმში გადავიყვანეთ ეს სამხედრო სწავლებები. ჩვენ ვასრულებთ ჩვენს ვალდებულებებს. ჩვენი მოლოდინი კი ის არის, რომ ჩრდილოეთ კორეა ასევე დაიწყებს მალე თავისი ვალდებულებების შესრულებას“, - ხაზგასმით აღნიშნა მაიკლ პომპეომ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა