მაია ცქიტიშვილმა კონტრაქტორ კომპანიას დუშეთის ცენტრალური პარკის სარეაბილიტაციო სამუშაოს დაჩქარება მოსთხოვა

დუშეთის ცენტრალური პარკის სარეაბილიტაციო სამუშაოს მიმდინარეობა რეგიონული განვითარებისა და ინფრასტრუქტურის მინისტრმა ადგილზე შეაფასა, - ამის შესახებ „ინტერპრესნიუსს“ უწყებიდან აცნობეს.

მაია ცქიტიშვილის განცხადებით, მშენებლობის ტემპები არადამაკმაყოფილებელია და აუცილებელია, რომ კონტრაქტორმა კომპანიამ ობიექტზე მუშახელი დაამატოს.

დუშეთის ცენტრალურ პარკში ინფრასტრუქტურა დაზიანებული იყო და რეაბილიტაციას საჭიროებდა. პროექტი მუნიციპალური განვითარების ფონდმა 2017 წლის აპრილში დაიწყო და დადგენილ გრაფიკში ვერ ჩაეტია. ახალი გეგმის მიხედვით, პროექტი სექტემბერში უნდა დასრულდეს. სამუშაოს 2 446 532 ლარით მსოფლიო ბანკი აფინანსებს.

პროექტით გათვალისწინებულია: შადრევნის, სანიაღვრეების და კანალიზაციის მოწყობა. ასევე, საყრდენი კედლის გამაგრება, ბილიკებისა და პატარა სკვერების, პარკის განათების, საზოგადოებრივი საპირფარეშოებისა და მოსასვენებელი სკამების განთავსება. სამუშაოები ითვალისწინებს პარკში მდებარე წმინდა ნიკოლოზის სახელობის ეკლესიის გარემოპირკეთებას. მაია ცქიტიშვილის თქმით, კონტრაქტორ კომპანიასთან აქტიური კომუნიკაცია ექნება, რათა სამუშაოების ტემპი გაიზარდოს.

,,სამუშაოს მიმდინარეობის ტემპით უკმაყოფილო ვარ. პროექტი მაისში უნდა დასრულებულიყო, თუმცა დღევანდელი მდგომარეობით, შესაძლოა წლის ბოლომდეც არ მოესწროს. გვექნება აქტიური კომუნიკაცია კონტრაქტორ კომპანიასთან, რათა სამუშაო ტემპი გაიზარდოს. ამ პროექტის გარდა, დუშეთში დაგეგმილი გვაქვს პარკის ირგვლივ ფასადების რეაბილიტაცია, ცენტრის მთლიანად რეკონსტრუქცია და ჭილაშვილების სასახლის აღდგენა მსოფლიო ბანკის დახმარებით“, - განაცხადა მაია ცქიტიშვილმა.

სამინისტროს მიერ გავრცელებული ინფორმაციით, დუშეთის ცენტრალური პარკის კეთილმოწყობა და ქალაქში დაგეგმილი სარეაბილიტაციო სამუშაოები ხელს შეუწყობს დამსვენებლების რაოდენობის ზრდას. შეიქმნება ხელსაყრელი პირობები ტურიზმის განვითარებისთვის, რაც გააუმჯობესებს ადგილობრივების სოციალურ მდგომარეობას.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს