ხელვაჩაურის სოფელ კირნათში მოსახლეობა საპროტესტო აქციას მართავს. როგორც სოფელ კირნათის მკვიდრმა ნორა დიდმანიძემ "ინტერპრესნიუსთან" საუბრისას განაცხადა, ჰესის ხელმძღვანელობამ მოსახლეობასთან დადებული პირობა დაარღვია და საყანე მიწები დაიტბორა.
აქციის მონაწილეები ჰესის თანამშრომლებს მუშაობის საშუალებას არ აძლევენ და ჰესთან მისასვლელი გზა გადაკეტეს.
„ჩვენ ვითხოვთ დატბორილი ტერიტორიების კომპენსაციას. არ გაგვაფრთხილეს და ჩვენი საყანე მიწები დატბორეს. კომპანიას თანხა უნდა გადაეხადა და ის ტერიტორიები უნდა შეესყიდა, რომელიც ჩვენს საკუთრებაშია და დღეს დატბორილია. ვითხოვთ კომპენსაციას",- განაცხადა ნორა დიდმანიძემ.