მიკროავტობუსების მძღოლები აჭარის მთავრობის სახლთან აქციას აგრძელებენ

სამარშუტო მიკროავტობუსების მძღოლები საპროტესტო აქციას აჭარის მთავრობის სახლთან აგრძელებენ. მძღოლების ინფორმაციით, ბათუმის მერიაში შეხვედრით უკმაყოფილო არიან, რადგან შეხვედრამ კონკრეტული შედეგი არ გამოიღო. აქციის მონაწილეების თქმით, ისინი აჭარის მთავრობის თავმჯდომარე ზურაბ პატარაძესთან შეხვედრას ითხოვენ.

მძღოლების განცხადებით, ისინი მერიის მიერ მიკროავტობუსების შემცირებას და ახალ რეგულაციებს აპროტესტებენ. მძღოლებმა თავდაპირველად საპროტესტო აქცია ბათუმის მერიასთან გამართეს.

აჭარის მთავრობის ინფორმაციით, ზურაბ პატარაძე ქალაქის მერთან ლაშა კომახიძესთან ერთად აზერბაიჯანში მივლინებაში იმყოფება.

"თავმჯდომარე და მერი ვიზიტით ნახიჩევანში იმყოფებიან, მთავრობის წარმომადგენელი შეხვდა მძღოლებს. რეგულაციების აუცილებლობის შესახებ ვიცე- მერმაც გამართა შეხვედრა მათთან. სამწუხაროდ, ისინი არ არიან თანახმა იყოს აპარატით გადახდის სისტემა, კონდენციონერები, ანუ ყველაფერი ის, რაც სტანდარტით უნდა არსებობდეს ნორმალურ ქალაქში, მითუმეტეს, ტურისტულ ქალაქში",- აცხადებენ აჭარის მთავრობაში.

იხილეთ ვიდეო: ხმაური ბათუმში: მიკროავტობუსების მძღოლებმა პროტესტის ნიშნად გზა გადაკეტეს

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს