სერგი კაპანაძე - მოწმე, რომელიც ხორავას ქუჩაზე მოზარდების მკვლელობისას მანქანაში იჯდა და ხედავდა ყველაფერს, რაც მის წინ ხდებოდა, დეტალებზე არ საუბრობს

ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისიის თავმჯდომარის, „ევროპული საქართველოს“ წევრის, სერგი კაპანაძის განცხადებით, მოწმე, რომელიც ხორავას ქუჩაზე მოზარდების მკვლელობისას მანქანაში იჯდა და ხედავდა ყველაფერს, რაც მის წინ ხდებოდა, დეტალებზე არ საუბრობს.

კაპანაძის თქმით, აღნიშნულ თვითმხილველს სავარაუდოდ ჩვენების მიცემა კიდევ მოუწევს.

“დავკითხეთ მოწმე, რომელიც იჯდა მანქანაში და ხედავდა ყველაფერს, რაც მის წინ ხდებოდა. სავარაუდოდ, მას გაფართოებული კომისიის წინაშე ჩვენების მოცემა კიდევ მოუწევს. თვითმხილველი დეტალებზე არ საუბრობს, საამისოდ ბევრი მიზეზი შეიძლება არსებობდეს, მაგრამ ახლა რაიმეს თქმისგან თავს შევიკავებ. ამ ყველაფერთან დაკავშირებით ჩვენ ჩვენი დასკვნები გვექნება. შეუძლებელია ადამიანს, რომლის წინ ასეთი დანაშაული ხდება, რამე არ დაენახა. თვითმხილველიც აღნიშნავს, რომ ამ ჩხუბში 20-25 ადამიანი მონაწილეობდა“, - განაცხადა სერგი კაპანაძემ.

ხორავას ქუჩაზე მოზარდების მკვლელობის საქმეზე პარლამენტის დროებითი საგამოძიებო კომისიის წევრები დღეს შემთხვევის ადგილზე იმყოფებოდნენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს