ბათუმში მიკროავტობუსების მძღოლებმა საპროტესტო აქცია სამი დღით შეწყვიტეს

ბათუმში მიკროავტობუსების მძღოლებმა საპროტესტო აქცია სამი დღით შეწყვიტეს და სამუშაო ადგილებს დაუბრუნდნენ.

მძღოლების განცხადებით, ისინი ბათუმის მერის და აჭარის მთავრობის თავმჯდომარის მივლინებიდან დაბრუნებას დაელოდებიან.

სამარშრუტო მიკროავტობუსების მძღოლები ახალ რეგულაციებს აპროტესტებენ. მათი თქმით, რეგულაციები სამუშაო ადგილების დაკარგვას გამოიწვევს. მძღოლებმა დღეს აქცია ჯერ მერიის შენობასთან, შემდეგ კი აჭარის მთავრობის სახლთან გამართეს.