ირაკლი კოვზანაძე - დღეს ეროვნულ ბანკს აკისრია სრული პასუხისმგებლობა საბანკო და არასაბანკო სექტორის ზედამხედველობაზე

დღეს ეროვნულ ბანკს აკისრია სრული პასუხისმგებლობა საბანკო და არასაბანკო სექტორის ზედამხედველობაზე, - ამის შესახებ საფინანსო-საბიუჯეტო კომიტეტის თავმჯდომარემ, ირაკლი კოვზანაძემ განაცხადა.

კოვზანაძემ პარლამენტის პლენარულ სესიაზე ეროვნული ბანკის 2017 წლის საქმიანობა მიმოიხილა და შედეგები შეაჯამა.

“ჩვენ ფინანსური სექტორის ზედამხედველობა-რეგულირება დავაბრუნეთ ეროვნულ ბანკში, მივიღეთ კანონი “დეპოზიტების დაზღვევის სისტების“ შესახებ, ასევე "საქართველოს ეროვნული ბანკის შესახებ" ორგანულ კანონში შევიდა ცვლილება, რომლის მიხედვით, გამკაცრდა მიკროსაფინანსო ორგანიზაციების სარეგისტრაციო მოთხოვნები შესაფერისობის კრიტერიუმებისა და კაპიტალიზაციის კუთხით და ა.შ. ახლა უკვე ეროვნულ ბანკს გააჩნია ყველანაირი ინსტრუმენტი და, ამავე დროს, აკისრია სრული პასუხისმგებლობა საბანკო და არასაბანკო საფინანსო-საკრედიტო სისტემის საქმიანობის კონტროლის კუთხით“, - განაცხადა კოვზანაძემ.

როგორც კომიტეტის თავმჯდომარემ აღნიშნა, საფინანსო სექტორში ლარიზაციის მიმართულებით პროგრესი დაფიქსირდა.

“დოლარიზაციის მაჩვენებელი დეპოზიტებზე - 5%-ით, ხოლო სესხებზე - 8%-ით შემცირდა, რაშიც პოზიტიური როლი სხვა ფაქტორებთან ერთად, საკანონმდებლო ცვლილებებმაც შეასრულა. დადებითი შედეგები მოიტანა ასევე პარლამენტის მიერ გასული წლის ბოლოს მიღებულმა კანონთა პაკეტმა, რომელიც კომერციული ბანკებისთვის არაპროფილურ ბიზნესებში წილის ფლობის აკრძალვას ითვალისწინებდა“, - აღნიშნა ირაკლი კოვზანაძემ.

კომიტეტის თავმჯდომარემ ასევე ყურადღება გაამახვილა სესხის ეფექტური საპროცენტო განაკვეთისთვის მაქსიმალური ზღვრის დაწესებაზე, რომელიც ამ ეტაპზე 100%-ია და განიხილება მისი შემდგომი შემცირება 50%-მდე.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს