ბიზნესისა და ტექნოლოგიების უნივერსიტეტი მსოფლიოს საჭადრაკო ოლიმპიადის ტექნიკური მხარდამჭერი და საქართველოს მოჭადრაკეთა ეროვნული ნაკრების ოფიციალური პარტნიორი იქნება. დღეს, უნივერსიტეტსა და ფედერაციის მიერ გამართულ ღონისძიებაზე პარტნიორობის დეტალები გახდა ცნობილი. BTU ფედერაციას HP Workstation Z4 მაღალი წარმადობის კომპიუტერებს გადასცემს ოლიმპიადის შეუფერხებელი მსვლელობისთვის. საქართველოს მოჭადრაკეთა ეროვნული ნაკრების მომზდებისთვის კი BTU-ში სპეციალური ლაბორატორიაა შექმნილი, სადაც მაღალი წარმადობის კომპიუტერებით ნაკრების წევრთა მომზადება მიმდინარეობს.
ოლიმპიადა ბათუმში, 23 სექტემბრიდან 6 ოქტომბრის ჩათვლით გაიმართება. 43-ე საჭადრაკო ოლიმპიადაზე მონაწილეობას 180-ზე მეტი ქვეყნის 4 000-მდე მოჭადრაკე მიიღებს.
"ჩვენთვის ძალიან საპასუხისმგებლო და მნიშვნელოვანი მოვლენაა მსოფლიოს საჭადრაკო ოლიმპიადის მხარდაჭერა. საქართველოს ჭადრაკის ფედერაციასთან ნაყოფიერი თანამშრომლობა გვაკავშირებს, ჩვენი რესურსით მხარს ვუჭერთ ეროვნულ ნაკრებს, რომ მათი მიღწევები კიდევ უფრო გააუმჯობესონ", - აცხადებენ BTU-ში.