არჩილ თალაკვაძე - ირაკლი კობახიძის ვიზიტის დროს კონგრესმა საქართველოს მხარდამჭერი აქტის ინიცირება მოახდინა, რაც ძლიერი პოლიტიკური სიგნალია

ირაკლი კობახიძის ვიზიტის დროს კონგრესმა საქართველოს მხარდამჭერი აქტის ინიცირება მოახდინა, რაც ძლიერი პოლიტიკური სიგნალია, - ამის შესახებ საპარლამენტო უმრავლესობის ლიდერმა, არჩილ თალაკვაძემ განაცხადა.

როგორც “ინტერპრესნიუსს“ პარლამენტიდან აცნობეს, თალაკვაძე ამერიკის შეერთებული შტატების კონგრესის მიერ საქართველოს მხარდამჭერი კანონპროექტის წარდგენას მიესალმება. თალაკვაძის თქმით, აღნიშნულ აქტს ძალიან დიდი მნიშვნელობა აქვს ჩვენი ქვეყნისთვის.

„საქართველოს სუვერენიტეტის, რეფორმებისა და უსაფრთხოების მხარდაჭერა ამერიკის შეერთებული შტატების მხრიდან ჩვენთვის ბევრს ნიშნავს. კონგრესმა საქართველოს მხარდამჭერი აქტის ინიცირება ირაკლი კობახიძის ვიზიტის დროს მოახდინა, რაც არის ძლიერი პოლიტიკური სიგნალი”, - განაცხადა არჩილ თალაკვაძემ.

საქართველოს მხარდამჭერი კანონპროექტი აშშ-ის კონგრესში საქართველოს მეგობართა ჯგუფის თანათავმჯდომარე კონგრესმენებმა ტედ პომ (რესპუბლიკელი) და ჯერი კონოლიმ (დემოკრატი) წარადგინეს.