მართლმადიდებელი ქვეყნების პარლამენტების გენერალური ასამბლეა მომავალ წელს თბილისში გაიმართება. როგორც “ინტერპრესნიუსს“ მართლმადიდებლობის საპარლამენტთაშორისო ასამბლეაში ქართული დელეგაციის ხელმძღვანელმა, “ქართული ოცნების“ დეპუტატმა ზაქარია ქუცნაშვილმა განუცხადა, საქართველომ 25 მართლმადიდებელ ქვეყანას შორის კონკურენცია მოიგო.

“მიუხედავად ზოგიერთი მეზობელი ქვეყნის ბლოკირებისა, საქართველოს დელეგაციამ უმრავლესობის მხარდაჭერა მოიპოვა. მართლმადიდებელთა საპარლამენტო ასამბლეა ერთადერთი პოლიტიკური გაერთიანებაა მთელ ქრისტიანულ სამყაროში, რომლის მიზანია ქრისტიანული და დემოკრატიული ღირებულებების პოპულარიზაცია“, - აღნიშნა ქუცნაშვილმა.

ქუცნაშვილი საბერძნეთში ვიზიტის ფარგლებში, ქართულ დიასპორასთან შეხვედრას და ქვეყანაში მიმდინარე აქტუალურ საკითხებზე მათთან საუბარს გეგმავს.