ღუდუშაურის კლინიკაში ირაკლი ნოზაძესთან გამომძიებლები იმყოფებოდნენ, თუმცა მისი ჯანმრთელობის მდგომარეობიდან გამომდინარე დაკითხვა ვერ მოხერხდა

ღუდუშაურის კლინიკაში მოთავსებულ ჯგუფ „ქუჩის ბიჭების“ დაჭრილ წევრ ირაკლი ნოზაძესთან გუშინ გამომძიებლები იმყოფებოდნენ, თუმცა მისი ჯანმრთელობის მდგომარეობიდან გამომდინარე დაკითხვა ვერ მოხერხდა.

როგორც „ინტერპრესნიუსს“ შს სამინისტროს პრესსამსახურში განუცხადეს, გამომძიებლები მომღერალს მას შემდეგ გამოკითხავენ, რაც მისი ჯანმრთელობის მდგომარეობა გაუმჯობესდება.

ირაკლი ნოზაძის დაჭრის ფაქტთან დაკავშირებით შს სამინისტრომ ორი პირი დააკავა. გამოძიება თამთა ჯანჯღავას განზრახ მკვლელობის მცდელობას, ხოლო მის მეგობარ ნათია თოფურიას დანაშაულის შეუტყობინებლობას ედავება. მომღერალი წერეთელზე, ერთ-ერთი საცხოვრებელი კორპუსის ეზოში რამდენიმე დღის წინ დაჭრეს. ექიმების ინფორმაციით, ნოზაძეს ჭრილობა გულმკერდის არეში აქვს მიყენებული.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან