თამთა ჯანჯღავას ადვოკატი - მოვითხოვთ 5 000-ლარიან გირაოს, რადგან არ არსებობს თამთას მიმალვის და გამოძიებისთვის ხელის შეშლის საფრთხე

დაცვის მხარე მომღერალ ირაკლი ნოზაძის მკვლელობის მცდელობაში ბრალდებულ თამთა ჯანჯღავას აღკვეთის ღინისძიების გარეშე დატოვებას მოითხოვს, ალტერნატივის სახით კი სასამართლოს 5 000 ლარიან გირაოს სთავაზობს.

ამის შესახებ ჯანჯღავას ადვოკატმა არჩილ შაბაშვილმა ჟურნალისტებს სასამართლო პროცესის დაწყებამდე განუცხადა, სადაც ირაკლი ნოზაძის მკვლელობის მცდელობაში ბრალდებულ თამთა ჯანჯღავასა და დანაშაულის შეუტყობინებლობაში ბრალდებულ ნათია თოფურიას აღკვეთის ღონისძიების შეფარდების საკითხი განიხილება. ადვოკატის თქმით, არ არსებობს არანაირი საფუძველი იმისა, რომ ბრალდებულს ყველზე მკაცრი აღკვეთის ღონისძიება შეეფარდოს.

"დღეს მოვისმენთ ჩემი დაცვის ქვეშ მყოფის პოზიციასაც. მოვითხოვთ არასაპატიმრო აღკვეთის ღონისძიებას, ვინაიდან ის კვალიფიკაცია, რაც სახელმწიფო ბრალდებისგანაა წარდგენილი, საქმის მასალებით დადასტურებული არაა. სასამართლოს ალტერნატივის სახით გირაოს 5 000 ლარს შევთავაზებთ, ვინაიდან არ არსებობს საფუძველი იმისთვის, რომ გამოყენებული იყოს ყველაზე მკაცრი აღკვეთის ღონისძიება, თავისუფლების აღკვეთის სახით, ვინაიდან არ არსებობს მისი მიმალვის, გამოძიებისათვის ხელის შეშლის და განაჩენის აღსრულების საფრთხე", - განაცხადა არჩილ შაბაშვილმა.

ადვოკატი არ გამორიცხავს, რომ მომავალში საქმეზე კვალიფიკაციის შეცვლის საკითხიც დადგეს.

რაც შეეხება კონფლიქტის მოტივს, არჩილ შაბაშვილის ინფორმაციით, მოტივი იყო საყოფაცხოვრებო, ვინაიდან ირაკლი ნოზაძეს მისი დაცვის ქვეშ მყოფის ვალი ჰქონდა 250 ლარის ოდენობით.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს