ჩატარებულმა კომისიის სხდომებმა და სხდომის მასალებმა, რეალურად დაარწმუნა საზოგადოება და ჩვენც, რომ არსებობს სერიოზული პასუხგაუცემელი კითხვები, – ამის შესახებ „ევროპული საქართველოს“ წევრმა ირაკლი აბესაძემ საგამოძიებო კომისიის მუშაობასთან დაკავშირებით განაცხადა.
„დღეს გამოიკითხება რამდენიმე თვითმხილველი და მომდევნო დღეებში ისევ გავაგრძელებთ საგამოძიებო ორგანოების წარმომადგენლების დაკითხვას, როგორც შსს-დან, ისე პროკურატურიდან. ჩატარებულმა კომისიის სხდომებმა, ისევე როგორც სხდომის მასალებმა, რეალურად დაარწმუნა საზოგადოება და ჩვენც, რომ არსებობს სერიოზული, ჯერჯერობით პასუხგაუცემელი შეკითხვები არასრულწლოვნების მკვლელობის გამოძიების საკითხთან დაკავშირებით,“ - განაცხადა ირაკლი აბესაძემ.
შგახსენებთ, რომ ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში დაიღუპა.