2018 წლის პირველ კვარტალში, საგადასახდელო ბალანსის მიმდინარე ანგარიშის დეფიციტმა 428.0 მლნ აშშ დოლარი შეადგინა

2018 წლის პირველ კვარტალში საგადასახდელო ბალანსის მიმდინარე ანგარიშის დეფიციტმა 428.0 მლნ აშშ დოლარი (1.1 მლრდ ლარი, პირველი კვარტალის მშპ-ს 11.6 პროცენტი) შეადგინა.

ეროვნული ბანკის ინფორმაციით, მიმდინარე ანგარიშის უარყოფითი სალდოს ფორმირებაში მთავარი როლი, ტრადიციულად, საქონლით ვაჭრობას ეკისრება, რომლის უარყოფითი სალდო 2018 წლის პირველ კვარტალში წლიურად 18.9 პროცენტით გაიზარდა და 971.0 მლნ აშშ დოლარი (2.4 მლრდ ლარი) შეადგინა. პირველ კვარტალში საქონლის ექსპორტი წლიურად 26.5 პროცენტით ხოლო იმპორტი 22.6 პროცენტით გაიზარდა.

„მომსახურებით ვაჭრობის დადებითი ბალანსი (ძირითადად ტურისტული შემოსავლების გამო) ნაწილობრივ ანეიტრალებს საქონლით ვაჭრობის უარყოფით სალდოს. 2018 წლის პირველ კვარტალში მომსახურების ექსპორტი წლიურად 19.8 პროცენტით, ხოლო იმპორტი 21.7 პროცენტით გაიზარდა. მომსახურებით ვაჭრობიდან ყველაზე მაღალი დადებითი სალდოთი ტურისტული მომსახურება გამოირჩევა, რომლის ექსპორტი წლიურად 29.4 პროცენტით გაიზარდა და პირველ კვარტალში 550.8 მლნ აშშ დოლარი (1.4 მლრდ ლარი) შეადგინა.

მიმდინარე ანგარიშის დეფიციტს, ასევე, ამცირებს მიმდინარე ტრანსფერები, რომლის კრედიტი წლიურად 13.3 პროცენტით გაიზარდა და 2018 წლის პირველ კვარტალში 371.5 მლნ აშშ დოლარი (923.3 მლნ ლარი) შეადგინა. ამავდროულად, კერძო სექტორის ტრანსფერები გაზრდილი იყო, ხოლო სამთავრობო - შემცირებული.

წმინდა უცხოურმა პირდაპირმა ინვესტიციებმა, რომელიც მიმდინარე ანგარიშის დეფიციტის დაფინანსების უმნიშვნელოვანესი წყაროა, პირველ კვარტალში 177.9 მლნ აშშ დოლარი (422.2 მლნ ლარი) შეადგინა, რაც კვარტალური მშპ-ს 4.8 პროცენტია. პირველ კვარტალში ყველაზე მეტი პირდაპირი უცხოური ინვესტიცია საფინანსო, მშენებლობის და ტრანსპორტის, სექტორებში განხორციელდა“, - აცხადებენ ეროვნულ ბანკში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს