საავტომობილო გზების დეპარტამენტი ორგანიზაციებთან შეხვედრას გეგმავს

საქართველოს საავტომობილო გზების დეპარტამენტი, ტექნიკური საბჭოს სხდომის ფარგლებში, დაინტერესებულ ორგანიზაციებთან შეხვედრას გეგმავს.

დეპარტამენტის ინფორმაციით, შეხვედრის მიზანია საავტომობილო გზების, ხიდების, გვირაბების და სხვა ტექნოლოგიურ პროცესებთან დაკავშირებული ინოვაციური მასალისა და ტექნიკური გადაწყვეტილებების განხილვა.

საავტომობილო გზების დეპარტამენტის მიზანია ინოვაციური მეთოდები დანერგოს გზების მშენებლობა-რეაბილიტაციაში და მზადაა სამშენებლო ორგანიზაციებთან ერთად იმუშაოს ახალ მიდგომებზე, რაც პროექტების ხარიხიანად, სწრაფად და ეფექტიანად შესრულებას უზრუნველყოფს.

ყველა დაინტერესებულ ორგანიზაციას შეუძლია, მათ მიერ შემუშავებული ან პრაქტიკაში უკვე გამოყენებული ინოვაციები წარმოადგინოს, დეპარტამენტი კი ახალი მიდგომების გზების, ხიდებისა და გვირაბების მშენებლობა-რეაბილიტაციაში გამოყენებას უზრუნველყოფს.

დაინტერესების შემთხვევაში, ორგანიზაციებმა უნდა მიმართონ საავტომობილო გზების დეპარტამენტს ელ-ფოსტაზე: info@georoad.ge (წერილში მითითებული უნდა იყოს კომპანიის სახელი, საკონტაქტო ინფორმაცია და კომპანიის წარმომადგენელი პირის სახელი და გვარი). შეხვედრაში მონაწილე ორგანიზაციებმა უნდა წარმოადგინონ პრეზენტაცია არაუმეტეს 10 წუთის ქრონომეტრაჟით.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს