გულია გოცირიძე გლდანში მოსახლეობასთან შეხვედრებს მართავს

თბილისის საკრებულოს გლდანის ლუწი მიკრორაიონების მაჟორიტარი დეპუტატი, გულია გოცირიძე მის სამაჟორიტარო ოლქში მოსახლეობასთან შეხვედრებს მართავს.

საკრებულოს ინფორმაციით, მაჟორიტარი რაიონში არსებულ პრობლემებს ადგილზე ეცნობა და შესაბამის სამსახურებთან შუამდგომლობით მოსახლეობას პრობლემების გადაჭრაში ეხმარება.

როგორც გულია გოცირიძემ აღნიშნა, მოსახლეობა მას ძირითადად კეთილმოწყობისა და ინფრასტრუქტურული პრობლემების მოგვარების თხოვნით მიმართავს, ხოლო დეპუტატი პრობლემების გადაწყვეტის გზებს თავად მოსახლეობასთან შეთანხმების საფუძველზე სახავს.

მაჟორიტარის თქმით, მსგავსი ტიპის შეხვედრები მომავალშიც გაგრძელდება, რათა მოსახლეობის წინაშე მდგარი პრობლემების გადაწყვეტა რაც შეიძლება დროულად მოხდეს.