ფინანსთა მინისტრი - მნიშვნელოვანია ოპონენტებმა გააცნობიერონ, რომ მცირე მთავრობის კონცეფცია და ხალხის სახლში გაშვება დაკავშირებული ცნებები არ არის

ძალიან მნიშვნელოვანია ოპონენტებმა გააცნობიერონ, რომ მცირე მთავრობის კონცეფცია და ხალხის სახლში გაშვება ერთმანეთთან დაკავშირებული ცნებები არ არის, - ასე პასუხობს ფინანსთა მინისტრი ნიკოლოზ გაგუა ოპოზიციის კრიტიკას, რომელიც აცხადებს, რომ ხელისუფლება სტრუქტურულ ცვლილებებს ფასადურად ახორციელებს და ხარჯები ვერ შემცირდება, ვინაიდან მთავრობა წინასაარჩევნოდ საჯარო მოხელეებს სამსახურებიდან ვერ გაათავისუფლებს.

“ძალიან მნიშვნელოვანია ყველამ გააცნობიეროს, რომ მცირე მთავრობის კონცეფცია და ხალხის გაშვება ერთმანეთთან დაკავშირებული ცნებები არ არის. ეს ეკონომიკის ელემენტარულმა მცოდნემ უნდა იცოდეს, ამიტომ ჩვენთვის ხშირ შემთხვევაში გაუგებარია, რატომ ხდება ამ ორი ცნების დაკაშირება. როცა ჩვენ მცირე მთავრობაზე ვსაუბრობთ, ვგულისხმობთ ეფექტურ მთავრობას, რომლის შენახვა ეკონიმიკას უფრო ნაკლები უჯდება. მცირე მთავრობის კონცეფცია არ ითვალისწინებს ვინმეს სახლში გაშვებას და ძალიან სამწუხაროა, რომ ასეთი აღრევები ხდება. ჩვენი კონცეფცია მათ შორის ეყრდნობა პრინციპს, რომ საჯარო მოხელე უნდა იყოს დაფასებული“, - აღნიშნა ფინანსთა მინისტრმა.

გაგუას განმარტებით, მცირე მთავრობის კონცეფცია არა მხოლოდ ხარჯების შემცირებას ითვალისწინებს, არამედ მთავრობა უნდა იყოს ეფექტური.

“როცა ვსაუბრობთ მცირე მთავრობის კონცეფციაზე, ამის სწორი გამზომველი ინდიტიკატორი არის ხელფასების ფარდობა მშპ-სთან. ეს მაჩვენებელი გასულ წელს გვქონდა 4,5%-ზე მეტი და წელს გვაქვს დააახლოებით 4,3%, ხოლო 2019 წელს დაგეგმილია მისი შემცირება - 3,9%-მდე. ეს ნიშნავს, რომ დაახლოებით 160 მილიონი ლარით შემცირებასთან გვაქვს საქმე. უნდა გვესმოდეს, რომ 3,9% მშპ-ის ხელფასებთან მიმართებაში ეს არის ერთ-ერთი ყველაზე დაბალი მაჩვენებელი. მაგალითად, ბოლო მონაცემებით, სინგაპურს აქვს ზუსტად ეს მაჩვენებელი. შეიძლება ითქვას, რომ ეს იქნება ყველაზე დაბალი მაჩვენებელი ბოლო 16-17 წლის განმავლობაში. ბოლო პერიოდის განმავლობაში, ხელფასების მოცვა საბიუჯეტო სექტორში ძალიან მნიშვნელოვნად გვაქვს გაზრდილი. იყო შემთხვევები, როცა ხელფასებზე გაწეული ხარჯი სხვა კატეგორიაში ხვდებოდა, ახლა კი, ხელფასების მოცვა და აღწერა სრულად გვაქვს ასახული. ჩვენი საბიუჯეტო მაჩვენებელი არის აბსოლუტურად ღია და გამჭვირვალე და სწორედ ამ მაჩვენებლებზე დაყრდნობით შეიძლება ითქვას, რომ ხელფასის ზომა ეკონომიკაში იქნება 3,9%, რაც არის ალბათ, მსოფლიოში ერთ-ერთი ყველაზე დაბალი მაჩვენებელი“, - განაცხადა გაგუამ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“