ხმელთაშუა ზღვაში ნავის ჩაძირვის შედეგად, დაახლოებით 100 ადამიანი უგზო-უკვლოდ დაკარგულად მიიჩნევა. ამის შესახებ ინფორმაციას იტალიური გამოცემა Repubblica ავრცელებს.
გამოცემის ინფორმაციით, ნავი ლიბიის სანაპიროსთან ჩაიძირა. ამ მომენტისთვის ლიბიის სანაპირო დაცვის სამსახურმა 14 ადამიანის გადარჩენა მოახერხა. სულ ნავზე 120-მდე ადამიანი იმყოფებოდა.
აღსანიშნავია, რომ მიგრაციის საერთაშორისო ორგანიზაციის მონაცემებით, 2018 წლის დასაწყიდიდან 20 ივნისის ჩათვლით ევროპაში საზღვაო გზით 41 ათასი მიგრანტი ჩავიდა. ამ პერიოდში ნავების ჩაძირვის შედეგად 960 ადამიანი დაიღუპა.