სააგენტოს „აწარმოე საქართველოში“ წარმომადგენლები ბათუმში 70-ზე მეტ ადგილობრივ ბიზნესსუბიექტს შეხვდნენ

საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ წარმომადგენლები ბათუმში 70-ზე მეტ ადგილობრივ ბიზნესსუბიექტს შეხვდნენ.

როგორც „ინტერპრესნიუსს“ სააგენტოდან აცნობეს, შეხვედრის ფარგლებში, მეწარმეების მხრიდან გაჟღერდა უკმაყოფილება აჭარის რეგიონში არსებულ კომერციულ ბანკებთან დაკავშირებით, რომლებიც არ ფლობენ ან არ აწვდიან ინფორმაციას, თუ როგორ შეუძლიათ კომერციული ბანკების მიერ დამტკიცებულ სესხებზე დამატებით ისარგებლონ სახელმწიფოს ბიზნესის ხელშემწყობი მექანიზმებით სესხის პროცენტის თანადაფინანსების და უზრუნველყოფაში თანამონაწილეობის თაობაზე. შესაბამისად, მიმდინარე წლის 30 ივნისს, ბათუმში, კერძოდ, აჭარის რეგიონში არსებული კომერციული ბანკებისთვის, რომლებიც ჩართულნი არიან სახელმწიფო პროგრამის „აწარმოე საქართველოში“ განხორციელებაში სამუშაო შეხვედრა გაიმართება.

ღონისძიების ფარგლებში სააგენტოს „აწარმოე საქართველოში“ მეწარმეობის ხელშეწყობის დეპარტამენტის უფროსმა ოთარ ანთიამ დამსწრე საზოგადოებას სააგენტოს საქმიანობა, მიმდინარე პროექტები და სამომავლო გეგმები გააცნო. მეწარმეებმა ინფორმაცია მიიღეს საქართველოს მთავრობის მიერ ინიცირებული კერძო სექტორის მხარდაჭერის ფინანსური მექანიზმების, მათ შორის საქართველოს ინოვაციებისა და ტექნოლოგიების სააგენტოს, სოფლის მეურნეობის პროექტების მართვის სააგენტოს და საპარტნიორო ფონდის მხარდამჭერი პროექტების შესახებ.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ