პანკისის მოსახლეობამ კომპანია "ფერის" წარმომადგენლებს ჰესის მშენებლობა შეაჩერებინა

პანკისის მოსახლეობამ კომპანია "ფერის" წარმომადგენლებს ჰესის მშენებლობა შეაჩერებინა. ადგილობრივებმა აქციის დასრულების შემდეგ იმ ადგილზე გადაინაცვლეს, სადაც ხადორი 3 ჰესის მშენებელობა მიმდინარეობს.

პანკისელებსა და კომპანიის წარმომადგენელს შორის მცირე სიტყვიერი დაპირისპირება მოხდა, რის შემდეგაც ტექნიკამ მუშაობა შეაჩერა და მილებისთვის გამზადებულ თხრილებს მიწა მიაყარა. ადგილზე საპატრულო პოლიცია იყო მობილიზებული.

ხეობაში აცხადებენ, რომ ჰესის მშენებელობას არ დაუშვებენ და სამუშაოების გაგრძელების შემთხვევაში აქციებს დაიწყებენ.