საია-ს თავმჯდომარე მიიჩნევს, რომ ხორავას ქუჩაზე მოზარდების მკვლელობის საქმეზე შექმნილმა საგამოძიებო კომისიამ რეკომენდაციები სრული კონსენსუსის საფუძველზე უნდა მიიღოს

„ახალგაზრდა იურისტთა ასოციაციის“ თავმჯდომარე სულხან სალაძე მიიჩნევს, რომ ხორავას ქუჩაზე მოზარდების მკვლელობის საქმეზე შექმნილმა პარლამენტის დროებითმა საგამოძიებო კომისიამ რეკომენდაციები სრული კონსენსუსის საფუძველზე უნდა მიიღოს. საუბარია ორ რეკომენდაციაზე, რომელთაგან ერთი ხორავას ქუჩაზე მომხდარ კონფლიქტში მონაწილე მ.კ.-ს წინააღმდეგ, დავით სარალიძის მკვლელობაში თანამონაწილეობის მუხლით სისხლის სამართლებრივი დევნის დაწყებას, ხოლო მეორე რეკომენდაცია ამავე კონფლიქტში მონაწილე გ.მ.-ს დაჭრის ფაქტზე გამოძიებას ეხება.

როგორც სალაძე ამბობს, ერთ-ერთ რეკომენდაციასთან დაკავშირებით მიდგომა უფრო იოლია, ვინაიდან კონკრეტულ ფაქტზე გამოძიების დაწყებას ეხება.

"რაც შეეხება მეორე რეკომენდაციას, აქ გადაწყვეტილება საბოლოოდ ცხადია კომისიამ უნდა მიიღოს და მე ვისურვებდი, რომ კომისიამ გადაწყვეტილება მიიღოს სრული კონსენსუსის შედეგად. ეს ალბათ იდეალური იქნებოდა. იყო ბევრ ვერსიაზე და ვარიანტზე საუბარი, თუ რას შეუწყობს ხელს ახლა ამ რეკომენდაციის მიღება ან რა შეიძლება დააზიანოს. იმის გათვალისწინებით, რომ ეს შეხვედრა დახურული იყო, მე მოვერიდები ღიად ამ შესაძლო რისკებზე ან პირიქით, უკეთესი სცენარის განვითარებაზე საუბარს. მაგრამ ფაქტია, რომ ეს საკითხი განიხილება და იმედს ვიტოვებ, რომ კომისია ოპტიმალურ გადაწყვეტილებას მიიღებს", - განაცხადა სულხან სალაძემ.

მისივე თქმით შეხვედრაზე დაფიქსირდა, როგორც რეკომენდაციების მიღების მხარდამჭერი, ასევე უფრო რბილი პოზიცია, რომელთა გაანალიზება მნიშვნელოვანია.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა