პარლამენტის საგამოძიებო კომისია მათ მიერ შემუშავებულ რეკომენდაციებთან დაკავშირებით მსჯელობას მომავალ კვირას გააგრძელებს

პარლამენტის საგამოძიებო კომისია მათ მიერ შემუშავებულ რეკომენდაციებთან დაკავშირებით, რომელიც ხორავას ქუჩაზე მოზარდებს შორის მომხდარი მკვლელობის საქმის გამოძიებას ეხება, შესაბამის გადაწყვეტილებაზე 2 ივლისის სხდომაზე იმსჯელებს.

როგორც საგამოძიებო კომისიის თავმჯდომარე სერგი კაპანაძემ სხდომაზე განაცხადა, რეკომენდაციებზე მსჯელობა ორშაბათს გაგრძელდება.

შეგახსენებთ, საუბარია ორ რეკომენდაციაზე, რომელიც ეხება ხორავას ქუჩაზე მომხდარის დროს კიდევ ერთი არასრულწლოვანის(გ.მ.) დაჭრის ფაქტზე გამოძიების და ერთ-ერთი პირის მიმართ (მ.კ.) სისხლის სამართლებრივი დევნის დაწყებას.