საგამოძიებო კომისია ზვიად კუპრავას, მოზარდების მკვლელობის საქმის გამომძიებელს, დეტექტივების სამმართველოს და თბილისის პოლიციის უფროსებს დაკითხავს

მე დამიკავშირდა ზვიად კუპრავა, რომელიც ამ საქმის პარალელურ გამოძიებას ზაზა სარალიძესთან ერთად აწარმოებდა და მოითხოვა კომისიაზე მოსვლა, - ამის შესახებ ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისიის სხდომაზე კომისიის თავმჯდომარემ სერგი კაპანაძემ განაცხადა. კომისიის წევრების გადაწყვეტილებით, ორშაბათს სხდომაზე ზვიად კუპრავას დაკითხვა მოხდება.

„მე დამიკავშირდა ზვიად კუპრავა, რომელიც იცით თქვენ, რომ ამ საქმის პარალელურ გამოძიებას ზაზა სარალიძესთან ერთად აწარმოებდა. მან მოითხოვა კომისიაზე მოსვლა და იმ თემებზე საუბარი, რომელიც მისი აზრით, რელევანტურია. ჩვენ მიერ გამოსაკითხი პირების სიაში ზვიად კუპრავა ისედაც იყო შეყვანილი. აქედან გამომდინარე, მაქვს წინადადება, რომ ორშაბათს მოვუსმინოთ მასაც,“ - განაცხადა კომისიის თავმჯდომარემ.

საგამოძიებო კომისიის გადაწყვეტილებით, ორშაბათს ზვიად კუპრავასთან ერთად, გამოსაკითხ პირებს შორის არიან ხორავას ქუჩის საქმის უშუალო გამომძიებელი ირაკლი ფიფია, დეტექტივების სამმართველოს უფროსი იოსებ სიგუა და თბილისის პოლიციის დეპარტამენტის უფროსი შალვა ბედოიძე.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა