ოკუპირებული სამხრეთ ოსეთის დე ფაქტო მილიციამ მარიხუანას არაკანონიერი ფლობისთვის ახალგორში საქართველოს 25 წლის მოქალაქე დააკავა. ამის შესახებ ინფორმაციას დე ფაქტო შს სამინისტრო ავრცელებს.
„მილიციის თანამშრომლებმა Toyota Hilux-ის მარკის ავტომობილი გააჩერეს, რომლის მძღოლის ჩხრეკისას აღმოჩენილია გარკვეული ნივთიერება. ექსპერტთა დასკვნით, აღმოჩენილი ნივთიერება ნარკოტიკული საშუალება მარიხუანაა, რომლის წონა 3,95 გრამს შეადგენს“, - ნათქვამია განცხადებაში.
აღნიშნულ საქმეს ახალგორის შს სამმართველო იკვლევს.