თბილისის მერია ავტოპარკის ტექდათვალიერებას იწყებს

დედაქალაქის მერია ავტოპარკის ტექდათვალიერებას იწყებს. 1-ელი ივლისიდან სავალდებულო ხდება სახელმწიფო ავტოპარკისა და იურიდიული პირების საკუთრებაში არსებული ავტოსატრანსპორტო საშუალებების ტექდათვალიერება.

აღნიშნულ საკითხს რამდენიმე დღის წინ თბილისის მერი კახა კალაძე გამოეხმაურა.

"დედაქალაქში ერთ-ერთი უმნიშვნელოვანესი და სასწრაფოდ მოსაგვარებელი საკითხი ჰაერის დაბინძურების პრობლემაა. ჩვენ არაერთხელ გვისაუბრია არსებულ ეკოლოგიურ მდგომარეობაზე, თუ რა მდგომარეობაა ჰაერის დაბინძურების თვალსაზრისით და შემიძლია გითხრათ, რომ ამ გამოწვევების თვალსაზრისით მუნიციპალიტეტს მკვეთრი გადაწყვეტილებების მიღება მოუწევს მომდევნო თვეების და წლების განმავლობაში როგორც სატრანსპორტო პოლიტიკის, ასევე გარემოს დაცვის მიმართულებით. ძალიან დიდი იმედი მაქვს, რომ საზოგადოების მხრიდან იქნება დიდი მხარდაჭერა, თანადგომა, რადგან მერიას მოუწევს არაპოპულარული ნაბიჯების გადადგმა ამ მიმართულებით, თუმცა, ეს სასიცოცხლოდ მნიშვნელოვანი იქნება ჩვენი, ჩვენი შვილების და მომავალი თაობების კეთილდღეობისათვის, რომ ის არსებული რეალობა რაც ჰაერის დაბინძურების კუთხით გვაქვს, იყოს მოგვარებული“, - განაცხადა კალაძემ.

თბილისის მერის თქმით, ეს არის პირველი მნიშვნელოვანი ნაბიჯი ჰაერის დაბინძურების შემცირებისკენ.

„მერიას დაქვემდებარებულ სტრუქტურებს მინდა დავავალო, რომ დაუყოვნებლივ განახორციელონ ავტომობილების ტექდათვალიერება და რომელიც ვერ გაივლის ამ ტექდათვალიერებას, ამოღებულ იქნას ხმარებიდან. იგივე მიდგომა და დამოკიდებულება აქვს ცენტრალურ ხელისუფლებას. ამაზე მქონდა საუბარი პრემიერ-მინისტრთან და ანალოგიური მოხდება სხვადასხვა სახელმწიფო დაწესებულებებში, სამინისტროებში",- განაცხადა კალაძემ.

რაც შეეხება სხვა ნაბიჯებს, როგორც კალაძემ აღნიშნა, უახლოეს მომავალში მერია სატრანსპორტო პოლიტიკის ხედვას წარმოადგენს წლების მიხედვით, რათა არსებული მდგომარეობა შეიცვალოს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს