ქუთაისში გარე განათების სამუშაოები განხორციელდა

ა(ა)იპ “ქუთგანათების სერვისის“ მიერ ქალაქის აღმოსავლეთის მხრიდან შემოსასვლელში დამონტაჟებული, ქუთაისის სახელწოდების აღმნიშვნელი აბრის ღამის განათების აღდგენა განხორციელდა. ასევე, შეიცვალა და განათდა ბაგრატის ტაძართან მისასვლელ კიბეებზე დამონტაჟებული სანათები.

ა(ა)იპ "ქუთგანათების სერვისმა" ქალაქის ცენტრალურ ნაწილში, მონპლეზირის თაღის გარე ფასადის ღამის განათებაც აღადგინა. ქუთგანათების სერვისი“ ღამის განათებების აღდგენით სამუშაოებს ქალაქის მასშტაბით ეტაპობრივად ახორციელებს.