ხარაგაულის სოფელ წიფაში 2,5 კმ გზა მობეტონდა და პროექტის ღირებულებამ 235 061 ლარი შეადგინა. სამუშაოებისთვის თანხა მთის განვითარების ფონდიდან გამოიყო. ასევე, გზის 2 კმ–იანი მონაკვეთი დაიგო მაღალმთიანი სტატუსის მქონე სოფელ გოლათუბანშიც. სამუშაოებისთვის 300 000 ლარამდე იყო გამოყოფილი.
იმერეთის გუბერნატორის მოვალეობის შემსრულებელმა, გრიგოლ დალაქიშვილმა ადგილობრივი თვითმმართველობის წარმომადგენლებთან ერთად,მაღალმთიანი სტატუსის მქონე სოფლებში საგზაო ინფრასტრუქტურა დაათვალიერა.
გუბერნატორის მოვალეობის შემსრულებელმა მოსახლეობას მუნიციპალიტეტში დაგეგმილი მასშტაბური ინფრასტრუქტურული პროექტის შესახებ მიაწოდა ინფორმაცია. 2018 წელს პროექტის ფარგლებში ძირულა–ხარაგაული–მოლითი–ფონა–ჩუმათელეთის 50 კმ–იანი გზის მშენებლობა იგეგმება.