ნათია მეზვრიშვილი გერმანიის საგარეო საქმეთა სამინისტროსა და საერთაშორისო დიპლომატთა პროგრამის დელეგაციის წევრებს შეხვდა

შინაგან საქმეთა მინისტრის მოადგილე ნათია მეზვრიშვილი გერმანიის საგარეო საქმეთა სამინისტროსა და საერთაშორისო დიპლომატთა პროგრამის დელეგაციის წევრებს შეხვდა. შეხვედრას, ასევე, ესწრებოდნენ შინაგან საქმეთა სამინისტროს საინფორმაციო-ანალიტიკური დეპარტამენტის წარმომადგენლები.

შინაგან საქმეთა სამინისტროს ინფორმაციით, ნათია მეზვრიშვილმა სტუმრებს სამინისტროში მიმდინარე პროექტები და რეფორმები გააცნო. საინფორმაციო-ანალიტიკური დეპარტამენტის თანამშრომლებმა დელეგაციის წევრებს დეტალური ინფორმაცია მიაწოდეს კრიმინალურ პოლიციაში მიმდინარე რეფორმის, კერძოდ მართლწესრიგის ოფიცრის ინსტიტუტის შესახებ. აღინიშნა, რომ კრიმინალური პოლიციის რეფორმის ფარგლებში, საუბნო მიმართულების ტრანსფორმაცია მიმდინარეობს, რის შედეგადაც უბნის ინსპექტორის მოდელის ნაცვლად ინერგება თანამედროვე, მსოფლიოს არაერთ ქვეყანაში აპრობირებული, საზოგადოებაზე ორიენტირებული პოლიციის კონცეფცია, რომლის ერთ-ერთ კომპონენტს წარმოადგენს მართლწესრიგის ოფიცრის ინსტიტუტი. შეხვედრის მონაწილეებმა ანალიზზე დაფუძნებული საპოლიციო საქმიანობის შესახებაც ისაუბრეს.

შეხვედრაზე ასევე ისაუბრეს შინაგან საქმეთა სამინისტროს მიერ ორგანიზებული დანაშაულის წინააღმდეგ ბრძოლის მიმართულებით განხორციელებულ საკანონმდებლო ცვლილებებზე და ამ კუთხით სამინისტროს მიერ ჩატარებულ ღონისძიებებზე. ვიზიტის დასასრულს, დელეგაციის წევრებმა საპატრულო პოლიციის ერთიანი მომსახურების ცენტრი დაათვალიერეს და მისი შექმნის კონცეფციას გაეცნენ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“