გომბორზე მომხდარი ავარიის შედეგად ბელორუსის 20-მდე მოქალაქე დაშავდა

გომბორზე მომხდარი ავარიის შედეგად დაშავებულთა რაოდენობა გაიზარდა. როგორც „ინტერპრესნიუსთან“ საუბრისას თელავის მუნიციპალიტეტის მერის მოადგილემ განაცხადა, ამ დროისთვის 20-მდე ტურისტი თელავში ორ საავადმყოფოშია გადანაწილებული და მათი ჯანმრთელობის მდგომარეობა საშუალო სიმძიმის არის.

„არც ერთი ტურისტის სიცოცხლეს საფრთხე არ ემუქრება. არიან ბელორუსიის მოქალაქები და კახეთის დასათვალიერებლად მოდიოდნენ. ამ კონკრეტულ შემთხვევაში რა მოხდა, არ ვიცი, თუმცა სამწუხაროა, რომ მძღოლები ხშირად არ ითვალისწინებენ გომბორის გზის საფრთხეებს და საგზაო ნიშნებს არ ემორჩილებიან", - აღნიშნა აკა საჩიშვილმა.

გომბორის გზაზე, სოფელ თეთრწყლებთან "სუზუკის" მარკის ავტობუსი იმ ადგილას ამობრუნდა, სადაც რამდენიმე კვირის წინ, ყვარლისკენ ექსკურსიაზე მიმავალი მიკროავტობუსი  გადავარდა.

მომხდარზე გამოძიება 276-ე მუხლით მიმდინარეობს.

გომბორზე მომხდარი ავარიის შედეგად ბელორუსის 20-მდე მოქალაქე დაშავდა

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს