რამდენიმე აბიტურიენტმა პარლამენტის შენობასთან აქცია გამართა
რამდენიმე აბიტურიენტმა ყველა საგამოცდო ცენტრის კონდიცირების სისტემით აღჭურვის მოთხოვნით პარლამენტის შენობის წინ აქცია გამართა.
როგორც აბიტურიენტებმა განაცხადეს, გაგრილების სისტემით უნდა აღიჭურვოს როგორც თბილისის, ისე საქართველოს სხვა ქალაქების ყველა ის დაწესებულება, სკოლა, სადაც ერთიანი ეროვნული გამოცდები ტარდება.
მათივე თქმით, დაელოდებიან, თუ როგორ შეასრულებს განათლების სამინისტრო აბიტურიენტებისთვის მიცემულ პირობას და თუკი ყველა საგამოცდო ცენტრში კონდიცირების სისტესმა არ იქნება, უფრო მრავალრიცხოვან აქციას გამართავენ. აბიტურიენტების განცხადებით, 42-გრადუსიანი სიცხის პირობებში გამოცდების ჩაბარება შეუძლებელია.
