GIPA და განათლების სამინისტრო ერთობლივ სოციალურ პროექტს იწყებენ

GIPA და საქართველოს განათლებისა და მეცნიერების სამინისტრო ერთობლივ სოციალურ პროექტს იწყებენ. როგორც „ინტერპრესნიუსს“ GIPA-დან აცნობეს, პროექტის მიზანი სხვადასხვა სოციალური სტატუსის მქონე პირებისთვის განათლების ხელმისაწვდომობის გაზრდა, მათი წახალისება და სამოქალაქო საზოგადოებაში ინტეგრირების ხელშეწყობაა. საქართველოს კონსტიტუციის 35-ე მუხლის თანახმად, „განათლების უფლება მოქალაქეთა ერთ-ერთი არსებითი სოციალური უფლებაა და იგი ქმნის როგორც მისი პიროვნების, ასევე მთელი საზოგადოების განვითარების წინაპირობებს“. ამ მიზნით, GIPA-ში, განათლების სამინისტროს მხარდაჭერით, შეიქმნა შესაბამისი „მხარდაჭერის ფონდი“, რომლის ფარგლებშიც ყოველწლიურად ქვემოთ მოცემული სოციალური ჯგუფებიდან შერჩეულ 5 სტუდენტს ნაწილობრივ ან მთლიანად დაუფინანსდებათ სწავლის საფასური. დაფინანსება შეეხებათ პირებს, რომლებმაც ჩააბარეს ერთიანი სამაგისტრო გამოცდები და სარგებლობენ შემდეგი სოციალური სტატუსით: ა) სოციალურად დაუცველი; ბ) ეროვნული უმცირესობების წარმომადგენელი; გ) შეზღუდული შესაძლებლობების მქონე;

დ) იძულებით გადაადგილებული; ე) ქართული ეთნიკური წარმოშობის (ლაზები, დეპორტირებული მესხები, ფერეიდნელი ქართველები და სხვა) უცხო ქვეყნის მოქალაქეები, რომლებიც თავს მიიჩნევენ ქართული ეთნიკური წარმოშობის მქონედ და აქვთ ქართული გვარი ან ქართული ლინგვისტური იდენტობა; ვ) ოკუპირებულ ტერიტორიებზე მცხოვრები; ზ) მაღალმთიან რეგიონებში მცხოვრები; დ) მრავალშვილიანი ოჯახების წევრები; ე) ტერიტორიული მთლიანობის დაცვისთვის გარდაცვლილ პირთა შვილი/ოჯახის წევრი.

მიღების წინაპირობებია საერთო სამაგისტრო გამოცდებზე მინიმალური ზღვარის გადალახვა, შესაბამისი დოკუმენტაციის წარმოდგენა, შიდა საუნივერსიტეტო მისაღები პროცედურების გავლა.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 18.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
აჭარული სოფლები და მთები, როგორც ოთხივე სეზონის ტურისტული პროდუქტი
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება