ინდოეთში, ნიუ დელიში, ერთ-ერთ საცხოვრებელ სახლში პოლიციამ ერთი ოჯახის 11 წევრის ცხედარი აღმოაჩინა. ამის შესახებ ადგილობრივი მედია იუწყება.

სახლი, სადაც ცხედრები ნახეს, ბიზნესმენს ეკუთვნის, რომელიც რძის მაღაზიებისა და საამქროს მფლობელი იყო. ცხედრები მეზობელმა აღმოაჩინა. ის შევიდა სახლში, რომლის კარიც ღია იყო. მან შემთხვევის შესახებ პოლიციას შეატყობინა.

ამ დროისთის მიმდინარეობს იმის გარკვევა, ეს იყო თვითმკვლელობა თუ მკვლელობა. გარდაცვლილთა შორის ოთხი მამაკაცი, სამი ქალი და ოთხი გოგონაა. მათ სიკვდილის წინ არავითარი წერილი არ დაუტოვებიათ.