მალიში ფრანგ სამხედროებზე თავდასხმის შედეგად ოთხი მშვიდობიანი მოქალაქე დაიღუპა

მალიში ფრანგ სამხედროებზე თავდასხმის შედეგად ოთხი მშვიდობიანი მოქალაქე დაიღუპა, ხოლო 30 კი დაშავდა. შემთხვევა გუშინ ქალაქ გაოში, მალის ჩრდილოეთ ნაწილში მოხდა. ასაფეთქებელი მოწყობილობა მაშინ ამოქმედდა, როდესაც სამხედრო პატრულის მანქანა გამოჩნდა. აფეთქების შემდეგ სროლა დაიწყო.

„ბარხანის“ პატრულზე თავდასხმის შედეგად ოთხი მშვიდობიანი მოქალაქე დაიღუპა, 30 ადამიანი მძიმედ დაშავდა. დაშავებულებს შორის სამხედრო პატრულის რვა წევრია“, - ნათქვამია მალის ჯანდაცვის სამინისტროს განცხადებაში.

2013 წლიდან მალიში 4 ათასი ფრანგი სამხედრო ოპერაცია „ბარხანში“ მონაწილეობს, რომლის მიზანია რეგიონში სიტუაციის სტაბილიზირება და ტერორიზმთან ბრძოლა.