გარემოს დაცვისა და სოფლის მეურნეობის სამინისტროს გარემოს ეროვნულ სააგენტოსა და სოხუმის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა. როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, მემორანდუმის ფარგლებში, სააგენტოს სპეციალისტები გეოგრაფია, გეოლოგიის დარგის სპეციალობის სტუდენტებს კვალიფიკაციის ამაღლების მიზნით დაეხმარებიან, თეორიული ცოდნის პრაქტიკაში გამოყენებასა და შესაბამისი უნარ-ჩვევების გამომუშავებაში. მათივე ინფორმაციით, სტუდენტებს შესაძლებლობა ექნებათ გარემოს ეროვნულ სააგენტოში დაესწრონ ლექცია სემინარებს, რომელსაც სააგენტოს დარგის წამყვანი სპეციალისტები ჩაატარებენ.
გარემოს ეროვნული სააგენტო ასევე უზრუნველყოფს სოხუმის უნივერსიტეტის შენობაში მეტეომზომი აპარატურის განთავსებას, რაც დაეხმარება სტუდენტებს მიღებული თეორიული ცოდნის პრაქტიკულად გამოყენებაში.