საგამოძიებო კომისიის სხდომაზე დღეს ორ რეკომენდაციას განიხილავენ

დღევანდელ სხდომაზე განვიხილავთ რეკომენდაციას, რომელიც ერთ-ერთი არასრულწლოვანის დაჭრის ფაქტზე გამოძიების დაწყებას და მ.კ-ს მიმართ სისხლის სამართლებრივი დევნის დაწყებას ეხება, - ამის შესახებ „ევროპული საქართველოს“ წევრმა ოთარ კახიძემ საგამოძიებო კომისიის მუშაობასთან დაკავშირებით განაცხადა.

ოთარ კახიძის განცხადებით, დღევანდელ სხდომაზე საპარლამენტო უმცირესობის წარმომადგელები დასვამენ კითხვებს, რომელიც საზოგადოებას და საგამოძიებო კომისიას სარალიძე-დადუნაშვილის მკვლელობის ირგვლივ აქვს.

„დღესვე განვიხილავთ იმ რეკომენდაციებს, რომელიც კომისიის თავმჯდომარემ სერგი კაპანაძემ წარმოადგინა. ერთი რეკომენდაცია ეხება საქმეზე ერთ-ერთი მოზარდის გ.მ-ს დაჭრის ფაქტზე გამოძიების დაწყებას, ხოლო მეორე საქმის ერთ-ერთი ფიგურანტის მ.კ-ს წინააღმდეგ სისხლის სამართლებრივი დევნის დაწყებას“, - აცხადებს ოთარ კახიძე.

ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ქართული პრესის მიმოხილვა 14.10.2019
ზაზა ფირალიშვილი - არჩევნებამდე ერთი წლით ადრე შიდა პოლიტიკაში ვითარება რთულია ხელისუფლებისათვის და არანაკლებად რთულია ოპოზიციისათვის