ფეთჰულაჰ გიულენთან კავშირის ბრალდებით, ანკარის გენპროკურატურამ სახმელეთო ჯარების სარდლობის 68 თანამშრომლის დაკავების ორდერი გასცა

ფეთჰულაჰ გიულენის ორგანიზაციასთან კავშირის ბრალდებით, ანკარის გენერალურმა პროკურატურამ სახმელეთო ჯარების სარდლობის 68 თანამშრომლის დაკავების ორდერი გასცა. ამის შესახებ თურქული მედია იუწყება.

აღნიშნული პირების დაკავების ოპერაცია დღეს დილით დაიწყო. ოპერაცია თურქეთის 18 პროვინციაში ტარდება. 68 პირიდან 10 მოქმედი თანამშრომელია. ყველა მათგანი ოფიცრები არიან. მათ ბრალად „ფეტოს“ ქსელებთან კაშირები ედებათ.

თურქეთში სახელმწიფო გადატრიალების მოწყობა მეამბოხეთა ჯგუფმა 2016 წლის 16 ივლისის ღამეს სცადა. ძირითადი დაპირისპირება ანკარასა და სტამბოლში მიმდინარეობდა. დაიღუპა 240-ზე მეტი და დაიჭრა 2 000-ზე მეტი ადამიანი. ხელისუფლებამ ამბოხება ჩაახშო. ოფიციალურმა ანკარამ სახელმწიფო გადატრიალების მოწყობაში ოპოზიციონერი მქადაგებელი ფეთჰულა გიულენი დაადანაშაულა. აშშ-ში მცხოვრებმა გიულენმა კი გადატრიალების მცდელობა დაგმო და ყველა ბრალდება უარყო.