ეკა ბესელია - საგამოძიებო კომისიის სხდომაზე ზვიად კუპრავას მოწვევა შეცდომაა, ის პირდაპირ მხარეა

ხორავას ქუჩის საქმეზე პარლამენტში შექმნილი საგამოძიებო კომისიის წევრი ეკა ბესელია დღევანდელ სხდომაზე ზვიად კუპრავას მოწვევას შეცდომას უწოდებს. ბესელია ამბობს, რომ კუპრავა მხარეა.

“არ მგონია, რომ სწორია საგამოძიებო კომისიის გადაწყვეტილება, იმ პირებზე ადრე, ვინც უშუალოდ დაკავშირებულია, შემსწრეა ან პირველწყაროა, ზვიად კუპრავა დაიკითხოს. კუპრავა თვითმხილველი არ არის. გასაგებია მისი პოზიცია. ის პირდაპირ მხარეა. ამიტომ ამ ადამიანის კომისიის დღევანდელ სხდომაზე მოწვევა და დღეს გამოკითხვა, არ მგონია, რომ სწორი გადაწყვეტილება იყოს. ეს იყო შეცდომა. კომისიას აქვს მაღალი ვალდებულებები, პასუხისმგებლობა და საჭიროა პოლიტიკური განწყობებისგან გათავისუფლდეს“, - განაცხადა ეკა ბესელიამ.

პარლამენტში საგამოძიებო კომისიის სხდომა მიმდინარეობს, სადაც დღეს ზვიად კუპრავას გამოკითხავენ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა