სერგო რატიანი უმრავლესობის წევრებს - თქვენ ხელს აფარებთ და ადვოკატირებას უწევთ შსს-სა და პროკურატურას

დღეს, როდესაც თქვენ იმ რეკომენდაციის წინააღმდეგ ხართ, რომ გ.მ-ს დაჭრის ფაქტზე გამოძიება დაიწყოს, ხელს აფარებთ და ადვოკატირებას უწევთ შსს-სა და პროკურატურას, - ამ განცხადებით საგამოძიებო კომისიის სხდომაზე დეპუტატმა სერგო რატიანმა “ქართული ოცნების“ დეპუტატებს მიმართა.

რატიანმა “ქართული ოცნების“ წარმომადგენლები საგამოძიებო ორგანოების დაცვაში დაადანაშაულა.

“გ.მ არის ის ადამიანი, რომელიც უშუალოდ შემხებლობაშია დავით სარალიძესთან, რომელიც იყო ფარდულში და მის ტანსაცმელზე არის დავით სარალიძის სისხლი. ხოლო ის, ვინც გ.მ დაჭრა, ხედავს ყველაფერს. ის, რომ გამოძიება არ დაინტერესებულა და ხელი გადააფარა ამ ფაქტს, ნიშნავს იმას, რომ არასწორი მიმართულებით წავიდა. გამოძიება არ დაინტერესდა იმ ადამიანებით, რომელიც უშუალოდ უყურებს მთელს იმ ამბავს, რაც ფარდულში ხდება. შესაბამისად, რეკომედაცია ეხება არა მხოლოდ იმას, რომ გ.მ-ს დაჭრის ფატზე გამოძიება დაიწყოს, არამედ ეხება იმას, რომ გამოძიება არასწორი მიმართულებით წავიდა“, - განაცხადა სერგო რატიანმა.

საგამოძიებო კომისიის სხდომაზე ცხარე დისკუსიის თემაა “ევროპული საქართველოს“ რეკომენდაცია, რომ 1-ელ დეკემბერს ჩხუბში მონაწილე ერთ-ერთი არასრულწლოვნის, გ.მ-ს ცივი იარაღით დაჭრის ფაქტზე გამოძიება დაიწყოს. აღნიშნულ რეკომენდაციას არ ეთანხმება დროებით საგამოძიებო კომისიაში შემავალი საპარლამენტო უმრავლესობა.

როგორც არჩილ თალაკვაძემ განაცხადა, აღნიშნული რეკომენდაცია ღია კარის მტვრევას ჰგავს, რადგან ამ საქმეზე გამოძიება შსს-ს დაწყებული აქვს. ამასთან, “ქართული ოცნების“ დეპუტატების აზრია, რომ კომისიამ რეკომენდაციები უნდა გასცეს ბოლოს, როდესაც მასალებს შეაჯამებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს