საგამოძიებო კომისიაში “ქართული ოცნების“ წარმომადგენლები არც იმ რეკომენდაციას უჭერენ მხარს, რომელიც მ.კ.-ს მიმართ სისხლისსამართლებრივი დევნის დაწყებას ეხება

პარლამენტის დროებით საგამოძიებო კომისიაში “ქართული ოცნების“ წარმომადგენლები არც იმ რეკომენდაციას უჭერენ მხარს, რომელიც ხორავას ქუჩაზე მომხდარ კონფლიქტში მონაწილე ერთ-ერთი პირის - მ.კ.-ს მიმართ სისხლისსამართლებრივი დევნის დაწყებას ეხება.

როგორც დეპუტატმა ანრი ოხანაშვილმა განმარტა, კომისიის მიერ აღნიშნული გადაწყვეტილების მიღება ნაადრევი და ნაჩქარევია იქამდე, ვიდრე გამოკითხული არ არის ყველა მოწმე, მათ შორის თავად მ.კ. და არ არის გამოკვლეული ყველა ფაქტობრივი მასალა.

დეპუტატ ეკა ბესელიას თქმით, პარლამენტის რეგლამენტის გათვალისწინებით, კომისიას შეუძლია შესაბამის ორგანოებს გამოძიების დაწყების მოთხოვნით მიმართოს, მაგრამ პირის მიმართ სისხლის სამართლებრივი დევნის დაწყების მოთხოვნის კომპეტენცია პარლამენტის საგამოძიებო კომისიას არ აქვს.

“ევროპული საქართველოს“ წარმომადგენლები ამბობენ, რომ თავად საქმეში არსებული მასალები იძლევა საფუძველს, რომ დანაშაულში თანამონაწილეობის ბრალდებით მ.კ-ს წინააღმდეგ სისხლის სამართლებრივი დევნა დაიწყოს.

ამ თემაზე კომისიაში დეპუტატებს შორის ცხარე კამათი მიმდინარეობს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს