გერმანიაში 27 წლის ქალი დააკავეს, რომელსაც ტერორისტული ორგანიზაცია „ისლამური სახელმწიფოს“ წევრობა ედება ბრალად. ამის შესახებ ინფორმაციას გერმანიის ფედერალური პროკურატურა ავრცელებს.
კრიმინალური პოლიციის თანამშრომლებმა ის 29 ივნისს შვაბიას ოლქში დააკავეს.
გავრცელებული ინფორმაციით, 2014 წლის აგვისტოში მან გერმანიის ტერიტორია დატოვა და „ისლამური სახელმწიფოს“ „ბოევიკებს“ შეუერთდა. 2014 წლის სექტემბერში ის ერაყში ჩავიდა და დაჯგუფების ერთ-ერთ სტრუქტურაში დაიწყო მუშაობა.
სასამართლომ მისი დაპატიმრების გადაწყვეტილება მიიღო. ის დაკავების იზოლატორშია გადაყვანილი.