რომან გოცირიძე - მთელი ეს ორომტრიალი ატეხილი იყო ორი მინისტრის მოსახსნელად, მესამეს მოხსნიან თუ არა, არც ვიცით

ხელისუფლების მიერ დეკლარირებული მცირე მთავრობა აღმოჩნდა დიდი ტყუილი, - ამის შესახებ "ნაციონალური მოძრაობის" წევრმა, რომან გოცირიძემ განაცხადა.

მისივე შეფასებით, მთავარი მიზანი, რომ შემცირებულიყო ბიუროკრატიული ხარჯები და მართვა ყოფილიყო ეფექტური, ჩავარდა.

"მთელი ეს ორომტრიალი ატეხილი იყო ორი მინისტრის მოსახსნელად, მესამეს მოხსნიან თუ არა, არც ვიცით. სტრუქტურული რეორგანიზაციის მთავარი შინაარსი აღმონდა, ორი თუ სამი ადამიანის უმტკივნეულოდ გაშვება მინისტრთა კაბინეტიდან, დანარჩენი დავიდა მარტივ არითმეტიკამდე. 14 ჯობია თუ 11? - ეს ყველაფერი გავს ქართულ ფილმს, ორი ლოკომოტივი ჯობია თუ ერთი, რომ კითხულობენ და მეორე პასუხობს, გააჩნია რა შემთხვევაშიო. აქ ეს კითხვაც კი არ არის რელევანტური. ეს არის მხოლოდ არითმეტიკული გადაჯგუფება. 116 კანონში უნდა შევიტანოთ ცვლილება, ხარჯავენ შუქს, ენერგიას და ადამიანების ნერვებს", - განაცხადა რომან გოცირიძემ.

დღეს ბიუროს სხდომაზე მცირე მთავრობის კონცეფცია დარეგისტრირდა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა