თავდაცვის სამინისტროს მიერ განხორიელებული შესყიდვების საქმეზე გამოძიების დაწყების მოთხოვნით აქცია გაიმართა

საზოგადოების ნაწილი პროკურატურას თავდაცვის სამინისტროს მიერ განხორიელებულ შესყიდვებთან დაკავშირებით გამოძიების დაწყებას სთხოვს. აღნიშნული მოთხოვნით მათ დღეს თავდაცვის სამინისტროსთან აქცია გამართეს.

საქმე ეხება ინფორმაციას, რომლის თანახმადაც, რუსეთის ჯაშუშობაში ბრალდებული პირის, პეტრე დევრიშაძის კომპანია თავდაცვის სამინისტროს ბიუჯეტიდან 4 მილონ ლარამდე ფინანსდება.

აქციის მონაწილეებმა ინფორმაციაზე რეაგირებისკენ პარლამენტის წევრებსაც მოუწოდეს.

„ვითხოვთ პროკურატურისგან, რომ დაიწყოს სასწრაფო გამოძიება ბიუჯეტიდან აგენტების დაფინასების საქმეზე. ვითხოვთ, რომ პარლამენტის მხრიდანაც აუცილებლად მოხდეს ამ საქმის შესწავლა. ვიცით, რომ ინფორმაცია აქვთ მიცემული რუსეთის სახელმწიფოსთვის თითოეულ ჯარისკაცზე და ეს არის პირდაპირი ღალატი და ამ ბიჭების გაწირვა. ჩვენ ამის უფლებას არ მივცეთ. ეს აქციები მიიღებს პერმანენტულ სახეს“, - განაცხადა აქციის ერთ-ერთმა მონაწილემ.