ჩეხეთი ევროკავშირში მდებარე მიგრანტთა განაწილების ცენტრებიდან დევნილებს არ მიიღებს. ამის შესახებ „ტვიტერის“ საკუთარ გვერდზე ჩეხეთის პრემიერ-მინისტრმა ანდრეი ბაბიშმა განაცხადა.

„ევროკავშირის წევრი ქვეყნების დევნილთა განაწილების ცენტრებიდან ჩვენ არ მივიღებთ დევნილებს, რომლებმაც შემოწმების პროცედურა გაიარეს და რომლებმაც ეს სტატუსი მიიღეს. თუნდაც სიმბოლურად არ გავაკეთებთ ამას“, - აღნიშნა ბაბიშმა.

ჩეხეთი თანმიმდევრულად ეწინააღმდეგება აფრიკიდან და ახლო აღმოსავლეთიდან დევნილების მიღებასა და განთავსებას თავის ტერიტორიაზე და უარს ამბობს, აამოქმედოს დევნილთა განაწილების ევროკავშირის მექანიზმები.