ნოდარ ხადური კონკურენციის სამართალის სფეროში გამართულ სემინარს დაესწრო

საქართველოს კონკურენციის სააგენტოს თავმჯდომარე, ნოდარ ხადური კონკურენციის სამართალის სფეროში, სააგენტოს თანამშრომლებისა და ადვოკატთა ასოციაციის წევრებისათვის გამართულ სემინარს დაესწრო. სამუშაო შეხვედრებს ბელგიელი ექსპერტი, ბრიუსელის უნივერსიტეტის სამართლის ფაკულტეტის პროფესორი, ფილიპ ტუიტშევერი უძღვებოდა.

როგორც „ინტერპრესნიუსს“ საქართველოს კონკურენციის სააგენტოდან აცნობეს, სემინარის ფარგლებში განხილული იქნა კონკურენციის კანონმდებლობის ისეთი მნიშვნელოვანი საკითხები, როგორიცაა ვერტიკალური და ჰორიზონტალური შეთანხმებები, კონკურენციის კანონმდებლობის დარღვევისათვის გათვალისწინებული სანქციები, ელექტრონული ვაჭრობა, კონკურენციის სამართალში მტკიცების სტანდარტი და ა.შ. კონკურენციის სამართლის პრობლემატურ საკითხებთან მიმართებით, ექსპერტმა ევროკომისიისა და ევროპის მართლმსაჯულების სასამართლოს უახლესი პრაქტიკა მიმოიხილა.

ღონისძიებას ასევე ესწრებოდა ადვოკატთა ასოციაციის კომერციული და კონკურენციის სამართლის კომიტეტის თავმჯდომარე, მარი ნიქაბაძე. სემინარი საერთაშორისო გამჭვირვალობა საქართველოს ორგანიზებითა და ნორვეგიის სამეფოს საგარეო საქმეთა სამინისტროს ფინანსური მხარდაჭერით განხორციელდა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა