უკიდურესად გაჭირვებული ოჯახებისთვის, ზესტაფონის მუნიციპალიტეტის პროგრამულ ბიუჯეტში ცვლილებები შევიდა

ზესტაფონის მუნიციპალიტეტმა, სოციალურად შეჭირვებული ოჯახებისათვის ერთჯერადი დახმარების სახით 2018 წლის პროგრამულ ბიუჯეტში ცვლილება შეიტანა, - ამის შესახებ „ინტერპრესნიუსს“ ზესტაფონის მუნიციპალიტეტიდან აცნობეს.

მათი ინფორმაციით, მუნიციპალიტეტის ტერიტორიაზე რეგისტრირებულ და მცხოვრებ უკიდურესად გაჭირვებულთა დახმარება 103 ათასი ლარით განისაზღვრა, რაც მთლიანად ოჯახის ან ოჯახის წევრის ერთჯერად დახმარებას გულისხმობს 100–დან არაუმეტეს 500 ლარისა. ბიუჯეტში ცვლილება მუნიციპალიტეტის მერის, კახაბერ მახათაძის ინიციატივით შევიდა, რომლის მიხედვითაც ბენეფიციართა მომართვის შემდგომ, მათზე მოკვლევას ადმინისტრაციულ ერთეულში მერის წარმომადგენლი აწარმოებს და დასკვნას მუნიციპალიტეტს წარუდგენს.

„ეს შეიძლება იყოს, როგორც სოციალურად დაუცველთა სიაში მყოფი ბენეფიციარი, ასევე პირი ან ოჯახი, რომელიც არ სარგებლობს შემწეობით, მაგრამ თავისი სოციალური ან ჯანმრთელობის მდგომარეობიდან გამომდინარე საჭიროებს დახმარებას. ამ შემთხვევაში, მოკვლევის საფუძველზე, მუნიციპალიტეტი ერთჯერადად გასცემს ამ თანხას“, – განაცხადა მერის მოადგილემ, ბესიკ ლეონიძემ.

მუნიციპალიტეტის მერის, კახაბერ მახათაძის თქმით, ბიუჯეტში ცვლილებების შეტანა განსაკუთრებით იმ ადამიანებისთვის იქნება მნიშვნელოვანი, ვინც სოციალურ შემწერობას მუდმივად არ იღებს.

„პროგრამულ ბიუჯეტში ცვლილებების შეტანა, ვფიქრობთ, განსაკუთრებით იმ შეჭირვებული ადამიანებისთვის იქნება მნიშვნელოვანი, ვინც მუდმივად არ იღებს სოციალურ შემწეობას და ერთჯერადი დახმარება ხშირად უკიდურეს საჭიროებას წარმოადგენს. სოციალურ სამსახურთან ერთად ვიმუშავეთ მისი გაცემის წესის დახვეწაზე და იმედი მაქვს, ეს დახმარება ზუსტად ამ ადამიანებამდე მივა,“– განაცხადა მუნიციპალიტეტის მერმა, კახაბერ მახათაძემ.

ზესტაფონის მუნიციციპალიტეტის 2018 წლის სოციალური პროგრამების ბიუჯეტი 1 491 305 ლარს შეადგენს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში